تابعنا على
غرفة نوم
تابعنا على

الوان غرف نوم

أفضل الوان غرف نوم رئيسيه

 

 

اختيار الوان غرف نوم رئيسيه تعتبر من اكتر الاختيارات المُحيرة عند اختيار ديكورات الشقق خاصةً  دهانات الحوائط ، و من اكتر و اهم الاسئله اللى بنسألها لنفسنا و مش بنعرف نلاقى لها اجابه بسهوله " ايه أفضل الوان غرف نوم ؟ " .

و لان الاجابه على السؤال ده بتعتمد على تفضيلك الشخصى لـ ديكورات الوان غرف نوم ، سواء المرتبط بالالوان المفضله أو اختيار ستايل الديكور ، بالاضافه لعوامل مرتبطه بمصادر الاضاءه الطبيعيه " زى البلكونه و الشباك " ، مساحة الغرفه ، و تأثير اختيارك على اختيار ورق الحائط ، قطع الاثاث ، السجاد ، الستائر ، المفروشات ، و الاكسسوارات " . 

فى السطور القادمه 7 خطوات سهله و بسيطه لـ اختيار الوان غرف نوم رئيسيه 

 

 

دى بعض النصائح و الأفكار اللى ممكن تساعدك في اختيار أفضل لون لغرفة النوم :

1 –  لونك المفضل

قد يكون أفضل لون غرف نوم رئيسيه هو اكتر لون مُفضل عندك سواء كنت بتفضل اللون " الازرق و اللى بـ يوحى بالهدوء و السلام و يعطى احساس بالاتساع فى المساحات الصغيرة ،

الاخضر يوحى بالهدوء ، الاسترخاء و الراحه ، و قريب للطبيعه ، و بالتالى له نفس تاثير استخدام اللون الازرق فى الديكور ،

الرمادى من اكتر الالوان الحياديه المستخدمه فى ستايل الديكور المودرن ، الكلاسيك ، و المعاصر ،

البرتقالى يوحى بالحيوية ، النشاط ، الطاقه ، و يعطى احساس بـ التفاؤل ،

الموف من الالوان المَلَكيه التى تعطى احساس بالرقى ، الفخامه و الغموض ، مناسب لستيلات الديكور المودرن ، المعاصر ، الفرنسي ،

البنى و درجاته من انسب الالوان لديكورات غرف النوم الرئيسية لانه يعطى احساس بالراحه ، و مناسب للالوان الازرق ، الموف ، الاخضر ، الاصفر ، البرتقالى ، و الاحمر ،

الاحمر لون دافئ ، نابض بالحياة ، يعطى احساس بالطاقه ، الحيوية و النشاط ، يفضل استخدام الالوان الحياديه مع اللون الاحمر فى ديكورات غرف النوم ،

أو الابيض يعطى احساس بالاتساع و الاشراق فهو مناسب لكل ستايلات الديكور و لكل درجات الالوان . "

 

 

بعد ان تستقر على اختيار درجة اللون الاساسيه فى ديكورات غرفة نومك الرئيسيه ، نفذ قاعده 60/30/10 فى تطبيق نسبة الالوان فى الغرفة ، بمعنى ان اللون الاساسى فى ديكورات الغرفه يكون 60% ( لون دهان الحوائط ) ، 30% اللون الثانوى ( المفروشات و الستائر ) ، 10% اللون المكمل ( قطع الديكور و الاكسسوارات ) ... اذا كنت قلقان من استخدام درجه اللون  بشكل كبير فى حالة اختيارك لالوان مشرقة ممكن تستخدمه فى الستائر و قطع الديكور .

 

 

و من افضل الطرق اللى ممكن تساعدك فى اختيار الالوان ، البحث فى صور غرف نوم رئيسيه عن طريق مواقع  الانترنت و التى منها موقعنا www.shaqa.com  اللى بيساعدك فى البحث عن طريق تحديد الغرفه و ستايل الديكور المناسب ليك .

 

2 –  ستايل الديكور

من الحاجات اللى ممكن تساعدك فى اختيار الوان الدهانات و الاثاث فى ديكورات شقتك ، ستايل الديكور اللى اخترته من بدايه تخطيط الشقة ، يعنى مثلا :

 

ستايل الديكور المودرن يعتمد على البساطه و استخدام قطع الاثاث العمليه ، و يتميز بالوانه الحياديه " البيج ، العاج ، رمادي داكن ، رمادي ، الأسود ، و الأبيض " . و يعتبر اللون الأبيض من أكتر الالوان استخداماً فى ستايل الديكور المودرن .

 

 

ستايل الديكور الكلاسيك يتميز بدرجات الالوان " الاخضر ، درجة لون الخوخ ، و الموف " ، و استخدام القماش المُزيين بباقات الزهور ... و تستخدم درجات الالوان الفاتحه على الجدران و الاغمق فى المفروشات و الارضيات .

 

 

ستايل الديكور الفرنسي  يستخدم أكتر فى ديكورات غرف نوم رئيسيه ، و يعتمد على الالون الباستيل " الدرجات الفاتحه من الالوان زى الوردى الفاتح ، الاخضر الفاتح ، الازرق الفاتح ، و الموف الفاتح " .

 

 

ستايل الديكور الاسيوى يعتمد على درجات الالوان " الازرق ، درجات الالوان الرمليه ، الابيض ، و الاخضر " .

 

 

3 -  الوان مستوحاه من قطعه فنيه مُفضله لديك

اختيار الوان دهانات مستوحاه من قطعه ديكور مُفضله عندك ، سواء كانت قطعه الديكور " تابلوه ، صوره ، قطعه اثاث اثريه ، قطعه نحتيه ، أو رسم بالزيت على الحائط " ، فى الحاله دى القطعه الفنيه حتكون هى " النقطه المحورية او المركزية " اللى حتنفذ على اساسها ديكورات الغرفه و بالتالى ضرورى تكون الوان الدهانات تتناسب مع الوان القطعه الفنيه .

 

 

4 – الدمج الالوان فى غرف نوم 

تنفيذ توليفه من الالوان الكلاسيكيه المُفضله عندك زى مثلا " الرمادى مع البرتقالى ، الاسود مع الابيض ، أو الازرق مع البنى " وتنفيذها فى ديكورات الغرفه . او الاعتماد على اختيار  الالوان الباستيل " الدرجات الفاتحه من الالوان زى : الازرق الفاتح – الوردى الفاتح – الاخضر الفاتح – الموف الفاتح – الاصفر الفاتح " .

 

 

5 – استخدام الالوان الحياديه    

كتير مننا بيفضل اختيار الالوان الحياديه لانها افضل و اسلم طريقه لاضافه اللون لـ ديكورات غرف نوم رئيسيه ، مع استخدام قطع ديكور بالوان مُشرقة و مُبهجه ، لان الالوان الحياديه تناسب كل الوان دهانات الحوائط الاخرى فبالتالى سهل التجديد فى الوان قطع الديكور فى اى غرفه . من اكتر الالوان الحياديه المستخدمه اللون " الابيض ، و البنى " .

 

 

6 – اختيار الالوان التى تساعد على النوم بهدوء

الالوان " الاحمر ، البرتقالى ، و الاصفر " الوان مُشرقة و نابضه بالحياه و هى الوان ممتعه وجميله و معظمنا يفضلها ، لكن يفضل عدم استخدامها فى ديكورات غرف نوم رئيسيه خصوصاً اذا كان لديك مشاكل فى النوم و تبحث عن النوم بهدوء . لكن الافضل استخدم الوان هادئه ، مريحه ، و تساعد على الاسترخاء سواء فى غرفة نومك الرئيسيه او فى غرفة طفلك زى درجات الباستيل ، الازرق ، و الاخضر و لاضافه لمسه جاده فى غرفه نومك يفضل اختيار لون الخشب من اللون البنى .

 

 

7 – استخدم الالوان الخادعه التى تعطى شعور عكسي

استخدم الالوان التى لها تأثير عكسي ، مثلا استخدم الالوان التى تعطى احساس بالاتساع فى المساحات الصغيرة زى " درجات الالوان الفاتحه ، الالوان الباستيل ، او طلاء حائط واحد فقط بلون مختلف عن باقى الجدران " من الحلول التى تعطى احساس بالاتساع ، و استخدام درجات الالوان الغامقه التى تعطى احساس بالراحه للعين فى المساحات الكبيرة لان الالوان الفاتحه الزاهيه فى المساحات الكبيرة تعطى احساس بالارهاق و التوتر .

 

 

الان تستطيعين ان تبدأى يومك و تنهى ليلتك فى " أهدى مكان فى العالم " بعد تنفيذ اسهل خطوات لإختيار الوان غرف نوم رئيسيه

نتمنى لكم نوما ً هنيئا ً و ليله سعيده .